Saturday, October 22, 2011

Kareueus

Kareueus beda jeung kasombongan, komo jeung kareueuseun mah :) Reueus jadi urang Sunda lain hartina nepak dada, jajauheun tina sipat angkuh ngarasa leuwih punjul tibatan seler sejen. Ieu mah pilakadar nembongkeun jatidiri yen urang teh pituin urang Sunda, seler Sunda. Teu kurang teu leuwih.

Mun seler sejen bisa ngarasa reueus jadi bagian tina seler pituin manehna, naha urang Sunda make jeung teu bisa kitu? Tembongkeun yen urang teh urang Sunda, anu karasep, anu gareulis, anu handap asor (kade, sanes handap asoy..), anu satata jeung seler sejen,  anu sarua dahar sangu :) Cara nembongkeun kareueus tangtu rupa-rupa. Soal eta mah tangtu geus teu kudu dibejaan deui. Nu penting mah niat, bari jeung prakna, ulah diengke-engke.

Ngamumule basa Sunda sangkat teu tumpur ku jalan ngabiasakeun ngajak nyarita ku basa Sunda ka anak-anak urang, upamana, bisa dimimitian ayeuna keneh. Teu perlu biaya jeung insya Allah moal matak miskin :) Lian ti ngaraksa basa, oge minangka salah sahiji cara nembongkeun identitas diri yen urang teh urang Sunda.

Prung ah, urang mitembeyan!

6 comments:

Anonymous said...

salam pangwanoh kang!
http://sakahayang.se.gp

Harga Ace Maxs said...

Muhun kang, sok lah lestarikeun Budaya Sunda teh, bade di dunia Maya sareng Dunia Nyata og sami wae. Abdi bangga pisan kang jadi orang sunda. :)

Yoyo Dassum said...

Sampurasun sadaya dulur dulur..Salam Pangwanoh ka sadayana ti pribados sareng ti PARAKANCA Warga BARAYA, mugia kersa nampina.
Hatur Nuhun
(BARAYA PAKUMPULAN BARUDAK SUNDA BEKASI)

Kustian said...

Hayu kang urang lestarikeun budaya sunda... (y)

Anonymous said...

caritapondoksunda.blogspot.co.id

Unknown said...

Salam pangwanoh KABEH DULUR